el texu de bermiego

El texu’tis l’árbol máxicu del arcu atlánticu y los pueblos europeos. Un árbol relacionáu cola vida y cola muerte, que lleva abellugando reuniones y conceyos de los vecinos del pueblu dende fai más de milenta años. Estos convocábense col toque de la campana de la ilesia, (si el texu taba al lláu de la ilesia), o col toque del tradicional cuernu, (si el texu taba solu). Rituales máxicos, usos de la so maera, el velenu, la simboloxía, los datos hestóricos y la tresformación de la cultura’l texu cola llegada del cristianismu, faen que temos delantre d’un iconu hestóricu y cultural de la nuesa tierra, que’tis conveniente conocer.

Ún de los instrumentos de maera más vieyos que se conocen,’tis un hachu de texu de 36,7 cm. de llargu que se atopó en 1911 en Clacton (Inglaterra), al que-y calculen unos 50.000 años d’antigüedá. Los meyores arcos,’tisren los  de maera de texu, aunque tamién se usaba pa utensilios de cocina. Destaca tamién la so maera como materia prima pa facer gaites, siendo una maera que se podía atopar n’Asturies, pero son escases les gaites que hai anguañu d’esti material pola escasez del mesmu. Pola so dureza y mantenimientu a lo llargo del tiempu, dalgunos sarcófagos de faraones d’Exiptu tan fechos de texu.

Col cristianismu camudaron los vezos de la xente y les creencies y lleendes fueron adaptaes. N’Asturies hai censaes más de 200 ilesies y ermites con un texu al lláu. Los antiguos pueblos astures usaron les granes del texu como velenu pa suicidase durante les guerres cantabro-astures, antes que convertise en esclavos romanos. Yera vezu tamién, dalu a animales moribundos p’ayudalos a morrer de manera sele y tranquila, incluso a xente nel sieglu pasáu.

Los texos tienen tamién propiedades anticanceríxenes gracies al taxol que se atopa na so corteza. Esto fizo que casi llegaren a desapaecer,’til que se llogró sintetizar el taxol nel llaboratoriu. Una vegada más, el texu’tis protagonista de la vida y de la muerte. Yera vezu ente los cristianos facer les ilesies y cementerios al lláu de texos que ya habíen sío sagraos pa los Celtes. La lleenda cuenta que les raices de los texos, lleguen a les boques de los cadáveres, simbolizando la vida na boca de la muerte.

El Teixu de Bermiego o Teixu la Ilesia’tis un texu de la especie Taxus baccata L. que se atopa na llocalidá quirosana de Bermiego. Esti texu milenariu ta averáu a la ilesia, a les afueres del pueblu. Foi declaráu Monumentu Natural el 27 d’abril de 1995 polo que ta protexíu y incluíu nel plan de recursos naturales d’Asturies. Tien una copa que mide 15 metros, un altor de 10 metros y un perímetru de tueru d’ente 6.5 y 7 metros. Ye consideráu por dellos autores como’l texu más vieyu d’Europa. Unu más d’esos tesoros que tenemos con raigones y rames, una ayalga más que paga la pena visitar, protexer y deprender a valorar.

Advertisements