yacoastur.com

Cuando se faen poques semeyes, hai que aprovechar les oportunidaes que te da, el poder averate a situaciones que nun son vezu nel to día a día. Nun fai muncho, conocí un criador de loros, y más atraíu pola afición a los animales, que pola afición a retratar, entruge-y si podía enseñame el so aviariu y los animales que tenía criando. Como tien páxina web y facebook, llevé la cámara a ver si’twas quien a facer dalguna semeyina pa poder mandaila dempués. Los páxaros’tisren perguapos. Muncho más, los que taben socializaos y dexaben que cualesquier persona pudiera interactuar con ellos. Quedé ablucáu cola xera que supón dir tolos díes a llimpialos, da-yos la comida y cebar los pollinos que nun pudieron sacar alantre los sos pas. Y coles perres que hai qu’invertir nes instalaciones, primeros exemplares, comida, veterinarios… etc.

Dende’l puntu de vista fotográficu, la lluz d’interior ’tain’tra la meyor, dando munches dominantes nun deseaes que dieron bien de guerra a la hora del procesáu. Llevé tolos cristales que teo y decidime pol Canon EF 100 f/2.8 USM Macro, por aquello de la nitidez de los retratos y por poder disparar dende una distancia afayaiza pa que los páxaros nun se estrañaren. El tema del fondu’twas otru problema. Munchos páxaron nun se podíen manipular y taben onde taben, nun dexando munchu marxe a la hora d’esbillar el fondu adecuáu. Como casi siempres, pienses en como saldríen les coses si se hubiera fecho una migaya más cuidao, dedicando una horina namás que a facer semeyes. Pero nun hai qu’escaecer, qu’esi día, fuimos a conocer lo páxaros del criaderu de Yacoastur. El que tien de páxina web www.yacoastur.com

Advertisements