epic enduro 2012

Nel monte de San Martín del Rei Aurelio, cellebrose esta preba de btt enduro, puntuable pal campeonatu d’España. Tenía ganes de facer un reportaxe d’una preba d’estes, onde nun tienes más que una oportunidá de diparar y hai que pensar perbién onde te quiés asitiar durante la carrera, por que en munchos casos la to movilidá ta reducía.

Polo que pude ver, tuvimos suerte col tiempu por que taba daqué ñublao, polo que nun había munches diferencies de lluz, aunque al tar metíos nuna biesca, la escuridá’twas importante y al tirar con grandes velocidaes, había que subir la ISO y abrir el diafragma. Dempués de delles prebes, dímonos cuenta que  col usu del Flash, les semeyes meyoraben asgaya.

Busqué un tramu onde poder moveme ensin molestar y poder retratar con, polo menos, tres encuadres estremaos. Quería pillar a los Bikers al baxar d’un cortáu y al pasar nuna zona rápida pa intentar facer un barríu. La última vez que había intentao esta téunica nun tuve bonos resultaos, paeciéndome complicao dar cola velocidá d’obturación adecuá para sacar al protagonista nítidu. Nesta ocación nun me salió mal la cosa, algamando delles imáxenes que merecía la pena procesar.

Monté el 17-50mm pa poder tener el mayor angular posible. Quería averame a los bikers pa que l’angular ficiera la so distorsión dando esi aspeútu a les imáxenes tan carauterísticu. Embaxo’l cortáu esperábalos apoyáu nuna estaca, casi metiéndome na trazada cola cámara. Al pasar el primeru dime cuenta qu’eso’twas peligroso y nun algamaba l’acercamientu que tenía pensáo. Intenté disparar ensin mirar pol visor, metiéndo la cámara cola mano, pero los resultaos nun foron bonos, por que tenía cortes indeseaos nel encuadre.

Al final, salió una mañana entretenía disfrutando d’una estaya de la fotografía estremada a lo que suelo facer. Yera complicao ser orixinal, sacando munches semeyes práuticamente iguales onde sólo cambiaba’l protagonista.

Advertisements