2º premiu nel concursu la mancomunidá 2010

Esta semeya acaba ganar el segundu premiu nel III Concursu de Semeyes de la Mancomunidá del Valle del Nalón, na estaya de gastronomía y dotáu con 200€. Esti añu camudó la forma del concursu, faciendo nueves estayes con dellos temes y desaniciando el concursu de vídeu que nun tuvo muncha participación l’añu pasáu. Al enterame que había una estaya de gastronomía, dime cuenta que nun tenía nenguna semeya d’esi tema. Fataben pocos díes pa finar el plazu d’admisión de semeyes, asina que púseme’bout la marcha a discurrir que podía facer. Lo primero que me vino a la tiesta foi un bodegón con materia prima gastronómica. Intenté sacar unos macros a unes cebolles rellenes que había en casa feches, pero el resultáu foi dignu del más cutre de los catálogos de la fiesta entreguina de les cebolles. Había que pensar otra cosa y dime cuenta que en La Felguera cellébrense les xornaes gastronómiques de les fabes y sabía que mio güela tenía delles en casa. Les güeles son güeles y tuve la suerte de que les fabes tuvieran metíes nuna saquina blanca perguapa, con una textura afayaiza. Necesitaba un fondu blancu pa tapar la mesa y usamos unos manteles de papel que tenía por casa. Otru tema’twas la lluz. Probé con lluz artificial pero nun me prestaba la dominante de collor que salía, asina qu’arrimé la mesa a la ventana pa tener lluz natural. Ya lo tenía too, namás quedaba disparar y procesar les semeyes.

Al poneme a procesar dime cuenta que la blancura de les fabes, xunto cola lluz, cola saca blanca  y el fondu blancu pidía un procesáu inspiráu nuna clave alta pero sin pasase, casi llegando a un blancu angelico-celestial. Lo más complicao foi esbillar la composición ente toles que tiré. Nun me decidía y alcordeme de dellos trípticos que tenía vistos y que nesi concursu nun había visto nengún trípticu nes dos ediciones que habíen pasao. Pensé que podía ser orixinal y asina desaniciaba el problema de la esbilla de la semeya. Dudé si el xuráu diba entender que’l trípticu correspuende a una sola imaxe y que nun son tres, por que nes bases ponía claramente que sólo se podía mandar una imaxe por estaya. Al garrar les tres que más me prestaben, ví que podía xugar cola forma’l sacu zarrándolu a los dos llaos y poniendo una semeya sólo con fabes nel mediu. El resultáu foi esti que podeis ver y un segundu premiu.

Foi una pena nun ganar el primeru dotáu con 400€, siempre se quier más, aunque hai más años pa intentalo. Lo malo de ganar un premiu de 200€ pa gastar en material fotográficu’tis que vas tener que amestar otros 300€ del to bolsu pa mercar daqué en condiciones… Aunque hai una compacta a la que ya tenía echáu el güeyu.

Too tien la su cosa bona y la su cosa mala…

Advertisements