Panorámica de Misiegu

Llevaba tiempu queriendo probar el tema esti de les panorámiques. Había visto delles pola rede y aunque tarrecía deprender a faceles o baxar el programa pa xuntar les semeyes, siempres me llamaba l’atención. Esta ’tis la primera que faigo. Ta compuesta de 10 semeyes en horizontal y la verdá’tis que quedé ablucáu cola facilidá del photomerge de photoshop pa xuniles. Un recursu afayaizu, pero del que nun convien abusar. Como too pue dar un bon resultáu si se sabe facer con gustu, con una composición afayaiza que pida a voces esti formatu.

Pa estrename esbillé un tapecer de la sablera de Misiegu, un sitiu prestosu pa los aficionaos a retratar paisaxe, igual que tol entornu nel que ta enmarcáu, onde disparar la cámara enxamás se fai en balde.

Advertisements