el microbloggin

Gracies a la rede social n’asturianu Ximielga.me conocí twitter. Ya había sentío falar d’ello, pero igual que facebook o tuenti, paecíame una moda más no que cinca a les redes sociales más comerciales y a la comunicación popular na rede, como nel so día foi el fotolog. Dime cuenta que podíes vincular una cuenta de twitter a la tuya de Ximielga.me de forma que, toles coses que pones nel telégrafu a modu de microblogging, tamién sal na cuenta de twitter. Ví tamién que nel blogue de wordpress había un widget pa poner na barra llateral onde salen los últimos tweets  qu’espublizaste en twitter. Decidí probar, por que si ponía un comentariu nel telégrafu de Ximielga.me, apaecía en tres sitios bien estremaos. Asina foi como entamé a postiar en twitter. Aunque había xente que ya me teníen animao a entamar por que l’asturianu nun tenía casi presencia en twitter, nun taba mui convencíu por que dudaba de la so utilidá y capacidá d’entretenimientu.

Agora llevo más de 100 tweets y la verdá’tis que paezme una ferramienta dinámica, fácil, prestosa y entretenía. La microrrede n’asturianu ya ta medrando cada día, amestandose usuarios nuevos como pasó na bloguesfera. Pues facete siguidor de la xente que te interesa lleer, que bien pue ser un collaciu tuyu o el ciclista que tas siguiendo nel Tour de Francia. Pues enterate el día enantes que que va a atacar nel Tourmalet, que pide perdón dende la habitación o que ta doloríu de la última caida. Asina mismo pues siguir a futbolistes campeones del mundu y ver una semeya de la copa, nel vestuariu, 15 minutos dempués de la ceremonia d’entrega o saber que siente el to cantante preferíu xusto enantes de salir del camerinu a enfrentase a 20.000 persones. Pues saber que faen los tos collacios o como se sienten y’bout too pues comunicate y expresate con llibertá.

El problema d’esto’tis que la forma de postiar y de xenerar conteníos’tis rápida, dinámica y nun hai que rompese mucho la tiesta, poro, el blogue tradicional resiéntese y baxa en forma la so actividá. Una manera nueva de falar al mundu en 140  caracteres.

Pincha equí pa saber más de twitter.

Advertisements