semeyes en tolo d’asturies 2010

Como otros años, aproveché l’amuesa cultural Tolo d’Asturies pa facer dalguna semeya. Consiste en tres díes d’actividaes alrodiu la tradición asturiana nel conceyu Llangréu. Lo más fácil’tis facer dalgun retratu y semeyes sociales, aunque casi tolos actos son dientro d’una carpa con poca lluz y un fondu blancu que incordia bastante. Ví munches semeyes, pero la verdá’tis que daba corte, por que la xente mirábate pensando que’tisres de La Nueva España y los paisanos’til posaben al lláu de los puestos. Por nun facer el friki más de la cuenta dexé munches semeyes pasar.

Esti añu había dellos aficionaos a la fotografía retratando a la xente que actuaba y pudimos ver que dalgunu algamó semeyes bien guapes. Ye una bona oportunidá si te presta la temática. Esti foi l’añu que más xente hebo, esperemos qu’esti festival dure munchos años y tengamos munches más oportunidaes pa retratar.

La xornada del vienres,  pudimos dir a un conciertu nel nuevu teatru de La Felguera de Mapi Quintana y Spido. Enxamás había podío retratar tranquilamente un escenariu coles lluces cambiantes y paeciome complicao, pero a la vez agradecío. El nun poder moveme pa cambiar los encuadres foi otru de los problemes a la hora de componer.

En xeneral unos díes entreteníu y unes cuantes semeyes pa colgar na gallería de Flickr del Grupu Reija, que foi unu de los precursores y organizadores de l’amuesa cultural Tolo d’Asturies 2010, na so cuarta edición.

Advertisements