Tolo d’Asturies 2010

Güei entama en Llangréu la edición de 2010 de Tolo d’Asturies. Cuatro díes de sofitu y esparcimientu a la cultura tradicional asturiana y la música de raigañu en xeneral. Col sofitu del Conceyu Llangréu y la organización del Grupu Reija de Llangréu.

Tamos avezaos a tener a mano programaciones d’esti tipu, con conciertos de dellos grupos, inclusu del restu d’Europa, como’tis esti casu y totalmente de baldre, ensin tener que pagar la entrada. El día que los conceyos gasten les perres en traer al últimu neo-adolescente que puso el culu en dalgun despachu de Madrid, pa promocionase nes televisiones y poder vender el so discu a 24€ (onde nin fizo la música nin les lletres, pero onde te regala el dvd), igual nos da la tiesta pa remontanos y danos cuenta que daqué ta fallando.

Mientres tantu, esti fin de selmana tenemos la oportunidá de demostrar a les instituciones que nos presta que se promocione la cultura y la música de nueso. En Llangréu, en les carpes que pusieron xunto a la estación d’autobuses.

Advertisements