semeyes 5º congresu caborian (I)

Esta’tis la esbilla de les semeyes más visibles que saqué durante los díes que duró’l quintu congresu caborian en Xixón. Foi una forma de reencontrase cola fotografía, unes xornaes compartíes con xente de muncha calidá, onde poder deprender munches coses. Unos díes de los que te animen a siguir con esta afición, en los que llamentes nun echar más tiempu en salir a retratar, en ver semeyes, pero el tener delles aficiones,’tis lo que tien, que nun hai tiempu pa la vida rial y pa les coses que te presten.

En xeneral tuvimos bona suerte col tiempu, aunque fizo de too. A vegaes, el tiempu foi cambiante asgaya, una llocura pa medir la lluz, pero gracies a eso, pudimos facer semeyes que normalmente cuesta sacar.


Hebo tiempu pa tocar tolos palos, aunque lo que más ficimos foi social y urbanu, pero alrodiu la llaboral, onde se cellebraben les charres del congresu, podía facese dalgun macru.


En una de les salíes pola mañana, fuimos al conceyu Castrillón, a la sablera de Salinas, d’onde ya había visto delles semeyes que xugaben colos edificios y el so reflexu, caminé casi tola sablera, pa intentalo, pero entamó a orbayar’bout manera y nun pude sacar más de cuatro o cinco semeyes, cola pinga correspondiente y ensin poder parame a pensar l’encuadre y la composición como me hubiera prestao.

Advertisements