Hylobius abietis

Cuando sales a facer semeyes a sitios o a plantes y animales, préstame saber que’tis lo que toi retratando. Si toi nel extranxeru, préstame conocer el nome del pueblu, monte, ciudá, fastera o biesca. Si retrato una florina préstame saber como se llama y como la noma popularmente la xente, si saco una semeya a un animal, paezme perimportante conocer el so nome y dalguna carauterística d’él. Esto nun siempres’tis posible por mor de la mio incultura en dellos temes y de la dificultá que teo n’algamar determinaes búsquedes restolando pola rede.

Préstame ver blogues de naturaleza como’l de La Ría de la Villa onde nomen a toles especies col so nome científicu, el nome en castellau y el nome n’asturianu. Yo, a vegaes pido ayuda a xente conocío pa ver si puedo algamar información’bout’l retratu en cuestión y delles veces funciona.

Nel casu d’esta semeya y según la información que me apurrió Jesús, un compañeru de trabayu (gracies a la so prima), en xeneral, a los curculiónidos nómase-yos gorgojos o picudos, y son plagues de vexetales. Esti paez ser una plaga de los pinos: les femes ponen los güevos baxu la corteza, y les llarves dedíquense a xintar, faciendo camininos pola maera. Esti en concretu,’tis maliayu, de la parroquia de Tornón.

Advertisements