soi usuariu d’un foru

Fai uno díes merqué un coche. Los coches nuevos tienen munches pichaes y na meyor que la rede pa enterate del funcionamientu, de les trampes y de tolo que tienes que saber pa nun meter la pata por pinín. Buscando, atopé un foru con muncha información, que la verdá’tis que me valió asgaya en delles estayes. Navegando pol foru, ví que tenía un filu de quedaes, otru de viaxes realizaos polos usuarios, otru de semeyes de los coches de la xente que taba pol foru, averíes, tuning y tolos filos típicos d’un foru, seya’l seya’l so tema. Namás entrar paeciome una frikada de la de dios,’bout too, al llegar al filu de les quedaes y ver la xente orgullosa, toos xuntos delantre los sos coches.

Al mesmu tiempu que yo merqué el coche, la mio moza mercó una aspiradora y entrugeme si habría un foru de la marca y modelu d’esa aspiradora. Entrugueme si esi foru tendría un filu de quedaes onde la xente se xuntara coles sos aspiradores y subieran semeyes de los usuarios del foru orgullosos de la so aspiradora. Si la  xente fai una semeya de la so aspiradora y la pon d’avatar pa que seya’l so cuñu d’identidá y diferenciase de los demás. Pienso too eso y parezme el colmu’l frikismu, de risa, casi imposible.

Pero entós pienso en los foros nos que soi usuariu y a les quedaes que fuí. Pienso nel mio avatar, nel mio blogue, na mio galería flickr, nel fotolog, etc. y pienso que la xente del foru d’aspiradores nun son más frikis que la xente del foru fotográficu o moteru o cualesquier foru que te paezca de lo más normal. Dame por pensar onde ta’l llímite o’l terminu mediu, onde se pasa la raya, si’tis qu’existe esa raya. En cierta manera, esa primera impresión de frikismu, que me dió al entrar nel foru de coches, conviertese en miéu y prudencia, por veme nel futuru, siendo usuariu del foru d’aspiradores, cola semeya de la mio aspiradora nel avatar y entamando una astur-kdd d’aspiradores.

Advertisements