I kdd caborian en la felguera [vol.1]

Fai unos díes ficimos una kdd caborian en La Felguera. Tenía gana de ver lo que’twas esa xente capaz de facer nun entornu que yo teo pertrilláu y cuéstame ser orixinal. La verdá’tis que nun defraudaron, ficimos semeyes asgaya y dalgunu consiguió dalgun retratu curiosu. Pasamos un día entreteníu alrodiu la fotografía y la gastronomía, que suelen facer bona mecigaya. En primer llugar tiramos pa Valnalón.

Nun polígonu industrial hai naves, edificios, cais desiertes, ta el orixinal Musi, pero tamién dellos detalles en fachaes y muries, aunque al ser tempranín, la lluz nun acompañaba. El sitiu pue tener munches posiblidaes si se tien bona vista.

Lluéu, aprovechamos que taba cerquina y tiramos pa’l Barriu Urquijo, un sitiu con poca xente onde tamién se puen facer cosines interesanes si se ta inspiráu. Dalgunu se asomó a la ventana quedando ablucáu al ver tantu “reporteru de guerra”.

Foi curioso que nel barriu, nun saqué na urbano, arquitectónico nin industrial y viendo les mios semeyes, más bien paez que tuve nel parque de Redes. Será’l refalfiu de ver chimenees y fábriques a diario.  Nesti sitiu, los teles de la xente dieron bonos resultaos.

De ehí fuimos pola Pomar en direición al Parque Nuevu, onde esperaba que la xente ficiera daqué de fauna, social y cosines asina, pero dellos decidieron tirar pal chigre (más social nun lo hai…). Los que quedamos pol parque camudamos de xeitu y dedicámonos al macru, un estilu fotográficu que’tis bien prestosu y entreteníu, onde espero afondar nel futuru.

Ya llegaba la hora xintar asina que tiramos pal chigre onde habíamos reservao y nes 2 hores y media siguientes, les cámares tuvieron guardaes nes bolses.

Advertisements