sobre la nitidez

La nitidez’tis un tema perinportante, xunto cola profundidá de campu. Cola abertura del diafragama, controles’til onde quies el focu, dando más o menos profundidá de campu y aislando coses gracies al desenfoque selectivu, pero pa conseguir una nitidez bona, intervienen demasiaos factores. Amás de la calidá de la llente, ta’l pulsu del fotógrafu xuníu a la velocidá d’obturación, que a la vez depende de la lluz qu’haya y de la lluminosidá del oxetivu. Lluéu ta’l procesáu con máscara d’enfoque y demás, que munches vegaes termina por estropiar la imaxe y el tema de subila a la rede onde la nitidez queda pol camín en munchos casos, aunque uses la opción “guardar para web”. Cuando consigues una semeya que tien la nitidez que imaxinaste a la hora de disparar, entá nun sé si tolos ellementos qu’intervienen se pusieron al to favor por pericia del fotógrafu o si’tis cuestión de simple suerte. El casu’tis que aunque se intente casi siempres, sólo de vez en cuando sal.

Advertisements