la térmica de lada ta matándonos

Un estudiu fechu en Suecia por expertos venceya a les emisiones contaminantes de la térmica de Lada (Llangréu) a la muerte de 88 persones al añu. L’estudiu asoléyase en mediu de la polémica costruición de nueves centrales de ciclu combináu como los dos grupos de gas en Lada qu’Iberdrola tien en trámites.

L’informe fechu por «The Swedish NGO Secretariat on Acid Rain», oficina creada por cinco organizaciones ambientalistes sueques pa concenciar’bout los problemes asociaos cola contaminación del aire y el cambeu climáticu. Col titulu  «Health impacts of emissions from large point sources» (Impautos na salú de les emisiones de los grandes puntos de produición). L’estudiu inclúi ente los 200 principales focos contaminantes n’Europa a la central térmica de Lada. 

L’ estudiu tien en cuenta, principalmente, el volume de les emisiones de dióxidu d’azufre (SO2), óxidos de nitróxenu (NOX) y les partícules en sospensión que xenera la central asitiada en Llangréu según los datos oficiales que de les alministraciones y crúzalos colos efeutos que xeneren esos contaminantes na salú de les persones. Según el nomáu estudiu les emisiones de la central térmica de Lada xeneren’round 88 muertes al añu, recortan aprosimadamente 950 años de vida al añu y xeneren daños cuantificaos en 69 millones d’euros añales.

Hai que remembrar tamién que los últimos datos’bout calidá del aire difundíos pol Ministeriu español de Medio Ambiente,  correspondientes a 2007,  asoleyen que les estaciones de medición de contaminantes de Llangréu rebasaron en delles ocasiones los llimites llegales de partícules en suspensión nes tres estacoiones (Sama, La Felguera y Meriñán).

Fonte: infoasturies.net

Advertisements