despertome una charanga

Despertome la música d’una charanga. La mesma música y los mesmos cantares que ya me despertaren un día como güei de fai 15 años. Salí a la cai y ví la procesión d’un santu que nun conocía, siguíu de la plana mayor de l’ayuntamientu y escoltáu pola representación clerigal al 100% colos sos trapos de gala. Caleyé pal parque y ví un grupu de baille que tampoco conocía y na otra punta, una parexa de gaita y tambor que sumaben 150 años. Nesa mesma cera taben los guajes y mozos que pasaben el restu l’añu camín d’una clas de música tradicional de cualesquier de les escueles qu’hai nel conceyu. La xente taba vistía de domingu y pola nueche la mocedá barría los chigres col enfotu d’apagar una sede indestructible,  pasando de ver al par d’orquestes diaries que toquen versiones pachangueriles con mayor o menor aciertu. Sentí un volaor cada seis hores y aunque pol día nun había actividá nenguna, dixéronme que’tisren fiestes.

Menos mal que mañana hai que xubir a Castandiellu y aunque se intentó, ta más complicao de manipular, aunque prohiban tirar agua dende les ventanes, enbaxo l’amenaza represiva de les multes, aunque saquen los policías a custodiar la fonte de la plaza Merediz pa que nun entremos o la vacíen (coño acabo mirar y ta enllena d’agua,’tis verdá que güei xuega españa y entós sí que se pue meter unu na fonte…) y aunque nos metan la mierda la espuma polos güeyos. Esta mañana despertome una charanga, deber ser San Pedru en La Felguera.

Advertisements