asina ví tolo d’asturies

Nel fin de selmana de Tolo d’Asturies 2008 dediqueme más a la parte llúdica del asuntu y sólo fice dalguna semeya pa collaborar cola organización del Grupu Reija. Nun eché’l tiempu que me hubiera prestao nin puse los medios que la ocasión merecía pero pude sacar unes semeyines pa colgar nel blogue del Grupu Reija. Equí pue vese dalguna.

Un detalle d’una curdión que taba na exposición. Pa mí, les curdiones tienen daqué especial, mecigaya ente l’arte y lo vieyo, que me presta asgaya, pero tienen el lláu complexu de la composición, igual que nuna biesca.

Aquella amuesa de curdiones, llera un conxuntu de biesques onde poder explayase, mientres sientes cuntar la hestoria de cada una. Mientres camines ente elles, disfrutes de la so compañía.

Nos tres díes que duró’l festival, hubo actividaes abondo y en cada una, había un cientu semeyes que retratar. Munches d’elles pasen desapercibíes polo acostumbraos que tamos a ver determinaes coses, pero de xuru que si lo viéramos a dellos ciento de kilómetros de la nuesa casa, sacaríamos la cámara a la velocidá del rayu. Na semeya l’actuación del grupu Filandón d’Uviéu.

Advertisements