esbilla.net
Dende’l mio sitiu, prestábame animar a tola xente que pase per equí a visitar y participar de esbilla.net ya seyan blogueros o non. Paezme un sitiu necesariu pa sofitar los pegoyos del nuesu movimientu, pero que va muncho más allá de los blogs o l’asturblogosfera. Préstame que seya un sitiu que xorreció del trabayu d’una persona esin intereses económicos y agora ta nes nueses manos el so futuru. Depende de tí ponelu al nivel d’otros sitios asemeyaos qu’hai por interné o que quede nuna anecdota. Polo menos, na rede, sí podemos ser normales, sí podemos normalizar, sí podemos algamar lo que nos falta notres estayes, ensin pedir permisu nin necesitalo. Depende de nós, día a día. esbilla.net
Por otru lláu, dende’l mio blog nun quería dexar de dar la norabona a la xente de González y González por ser la esceción que confirma la regla.
![photoshow canon xixón [Vol.2]](https://live.staticflickr.com/8515/8595231577_c9d14dfbd8_m.jpg "photoshow canon xixón [Vol.2]")
Ta mui bien, pero taba bien un logo pa esbilla.net, non? o un títulu en grande na páxina
Pues sí. A mi tamién me paez que falta una “imaxe corporativa” que asociemos con esa páxina. Daqué asemeyao a lo que había en Ximiélgame. La verdá ye que nun se si ya tan trabayando nello o van dexalo asina. En cualquier casu, nun creo yo que-yos paezca mal que se-yos apurran idees.
Bones Chamicu. Falando con Diestru, comente-y que taría bien creyar una “Xunta de blogueros en llingua asturiana” que se metiera nel CAO y cola que desendolcar dalgunes cosines a lo llargo l’añu como esi “Alcuentru de blogueros en llingua asturiana” pol que, creyo, toos naguamos. Yo propunxi presentar la Xunta enantes del 24P y anunciar que nos metemos nel CAO. ¿Qué te paez?
Ta bien, paezme un pasu alantre. Dende TrayasgayA y Pingarates tan falando de lo mesmo, pero tú aportes un ellementu nuevu, que ye crear una xunta. La idea que se ta ellaborando ye facer el “I Sidra&Blogues” el día de la mani, pa tener un primer puntu de contautu y entamar a falar del “II Alcuentru de Blogueros en Llingua Asturiana” que si se fai en abril’08, hai tiempu de sobra pa organizalo ente nós (ya hai planes pa subenciones y sitiu pesáu) y amás, faría un añu del primeru na escuela de seronda.
Si vos paez a toos/es, podemos entamar a movelo.