escaecer vs vivir

L’alzheimer ye una enfermedá neurodexenerativa, que se manifiesta como deterioru cognitivu y trastornos conductuales. Caracterízase na so forma típica por una pérdida progresiva de la memoria y d’otres capacidaes mentales.

Aunque toos sabemos que nun fai falta tener alzheimer pa saber lo que’tis esacaecer daqué. ¿Enxamás t’entrugaste si estos enfermos tienen conciencia de tar viviendo?, ¿si sirve daqué lo que vivisti y ’tain’ts quién a recordar?. Dende bien ceo entamamos a movenos en busca del placer y el bienestar. Pero estos conceutos son momentáneos y siempres tienen fecha de caducidá por muncho que lluches por allargalos. Dempués, sólo nos queda’l recuerdu d’haber setíote bien, aunque enxamás llegue a averase a la sensación de tar viviéndolo. Cuando nun tienes esi recuerdu, nun te queda na. Delles vegaes nos pasó que daquién intenta esplicanos como’tis un llugar nel que ya tuvimos, o como foi una situación que vivimos, pero que ya ta escaecida y resúltanos totalmente axeno. Nesi sen, súfrese la mesma sensación que se siente cuando nos cuenten una película qu’entá nun vimos… que nun vivimos.

Nesa llucha del escaezu a la escontra de la sensación d’haber vivío, entrugámonos de qué val vivir lo que nun vas recordar y si perdí dafechu toles coses qu’escaecí nel mió pasáu. Que nun son poques.

Advertisements