el carmen de cangas

En Cangas del Narcea vívense les fiestes de forma perespecial. La xente tien esa afición que va medrando durante tol añu y llega al so másimu esplendor nel puntu más importante de la cellebración. Dase el casu de xente que, siempre que llega el Carmen, tornen a la villa canguesa, dende Madrí, Puertu Ricu, República Dominicana o El Llíbanu, por poner dellos exemplos concretos que pude comprobar por mí mesmu. L’asociacionismu en peñes, tornando a topase colos collacios vieyos, l’autoxestión de los presupuestos, el fechu de convivir durante tres díes con xente foriata qu’enxamás cola indiferente, la orixinalidá, la vida na cai, fai d’estes fiestes unes de les más prestoses y úniques d’Asturies, ensin gozar de la fama o bombu que se-y da a otres que pue ser, nun ten a l’altura. Quiciavis seya meyor asina.

Toi xuru que si la xente del canal cuatro, ficiera una cobertura como la que-y dió a los Sanfermines, la xente diba a quedar ablucá al descubrir lo que’tis’l Carmen y la descarga. Sicasí, camudaríen muncho les coses, de forma artificial y dirixía, y entós, ya nun sería’l mesmu Carmen.

Arriba teneis un vídiu onde se ve reventar una máquina nuna descarga pola nueche. Abaxo teneis un enllaz al vídiu de la descarga, aunque nun tien nin comparanza con tar ellí. Una d’eses coses que merez la pena ver, polo menos, una vegada na vida.

http://www.youtube.com/watch?v=KdtHOgHDkFA

Advertisements