nun cumplo la llei y métote presu

Lleguen noticies nueves’bout’l procesu al compañeru Xose Antón Cadierno por facer una corrección d’un rótulu de carretera. El fiscal pide pa elli una multa de 8483’94 euros (7210€ de pena y 1283’94€ por desperfectos), o un añu de privación de llibertá.

La Llei d’Usu y Promoción del Asturianu recueye nel so artículu 15.1.: ” Los topónimos de la Comunidá Autónoma del Principáu d’Asturies han tener el so nome oficial na so forma tradicional…”. De magar aprobaron la llei, va más de nueve años, los sucesivos gobiernos asturianos incumplen y vulneren sistemáticamente’l conteníu d’esti artículu, imponiendo allegalmente pola vía de los fechos una toponimia falsa, castellanizada y deformada col únicu oxetivu de facer desapaecer la llingua asturiana de los nomes propios de los nuesos llugares.

La Xunta pola Defensa de la Llingua Asturiana quier denunciar, de primeres, la dureza cola que la fiscalía actúa contra un ciudadanu por correxir un rótulu de carretera que yá taría na forma correcta si les alministraciones respetasen la llei; de segundes, la situación d’indefensión xenerada pola so dexadez y complicidá énte l’incumplimientu de la llegalidá per parte de les alministraciones.

Asinamesmo, la Xunta pola Defensa de la Llingua Asturiana va ufrir al compañeru Xosé Antón tol apoyu y solidaridá que fagan falta pa sacar alantre esti procesu.

Atopáo na páxina de la Xunta.

Advertisements