l’esfuerzu caberu

Enantes del descansu siempres hai un esfuerzu caberu, un orbayu tupíu, prietu y fríu qu’abre la puerta de l’habitación de la brisina sele, que güele a branu y a siestina soleyera. Cuando más cansáu tas, cuando menos fuercies tienes, cuando la to mente ya ta esnalando ente tierra y agua, el cuerpu fai un llamamientu últimu pa dar el restu, pa que’l descansu seya plenu y entame de ceru . Ye’l pior momentu pa apelar a la fuercia. Esi poder inesistente a estes altures de la película, vese suplíu por otres habilidaes como puen ser, la rabia, el valor o los coyones. Esta’tis otra d’eses verdaes universales, que tienen el mesmu valir dende’l parque de Llaviana a l’aurora boreal d’Alaska. Ye una bacanal de billetes de 50 euros que baillen alrodiu de tí, mientres muerres nuna llucha estéril escontra les cuerdes que te inmobilicen al bloque d’hormigón del cansanciu y la cuesta arriba mental.  

Vamos entós, a pol esfuerzu.

Advertisements