I alcuentru de blogeros asturianos

Dende’l Conseyu de la Mocedá va a facese, enmarcáu na Escuela de Seronda, un Foru dedicáu exclusivamente a la Blogosfera Asturiana.
L’oxetivu’tis crear un espaciu de debate d’esti soporte mediáticu onde poder analizar la importancia del blog como ferramienta de comunicación n’Asturies y un llugar pal xorrecimientu de la llingua asturiana, el so presente y futuru na rede. El foru vendrá complementáu con unes xornaes de formación nes nueves tendencies y téuniques nos blogs.
Otru foru d’interés que se va facer na escuela’tis de Comunidaes Virtuales. Alministración, xestión y usu d’elles n’Asturies.

La wiquipedia diz pa referise al blog: “El blog, tamién conocíu como weblog o cuadernu de bitácores (llistáu de socesos),’tis un sitiu web periódicamente actualizáu que recueye cronolóxicamente textos o artículos d’un o varios autores, apareciendo primero el más reciente, onde l’autor conserva siempre la llibertá de dexar espublizao lo que crea pertinente. Normalmente, en cada artículu, los llectores pueden escribir los sos comentarios y l’autor da-yos rempuesta, de forma que’tis posible establecer un diálogu. L’usu o temática de cada weblog’tis particular, hailos de tipu personal, periodísticu, empresarial o corporativu, tecnolóxicu, educativu, políticos, etc.”

El blog’tis anguaño una ferramienta d’expresión pa los asturiano falantes mui utilizada, un exemplu de que l’asturianu pue ser perfeutamente una llingua vehícular con futuru y mercáu. Un exemplu de resistencia llingüistica, de que nun se puede poner portielles a la mar.

Dende’l Conseyu de la Mocedá invitásenos a dir a Xixón los díes 28,29 y 30 d’Abril a estes xornaes.
Tenéis tola información na páxina del Conseyu http://www.cmpa.es

Advertisements