asturies contaminada

Nes 8 ciudaes asturianes onde hai estaciones automátiques de medición de la calidá del aire, que controla el Principau, danse valores malos pa la calidá del aire, d’alcuerdu a la normativa en vigor recoyía na Directiva 1999/6962, publicada nel BOE 260 del 30-10-2002. Incumpliéronse los valores nos siguientes casos:Destaca el grave problema que suponen les partícules PM10,– Avilés, que ye con diferencia la que peor aire tien, superándose 257 díes al añu los llímites de los niveles de proteción a la salú (esti nivel ta en 50 ug/m3, non pudiendo superase más de 35 veces por añu)
– Sigue-y Llangréu, onde supérense los llímites 236 díes al añu
– El tercer puestu’tis pa Llugones, onde supérense 232 díes al añu
– El cuartu puestu ocúpalu Xixón, onde supérense 156 díes al añu
– El quintu puestu ocúpalu San Martín, onde se pasa de 154 díes al añu
– El sestu puestu ocúpalu Uviéu, onde se superen 103 díes al añu
– El sétimu puestu’tis pa Mieres, onde se pasa de los 75 díes al añu
– El caberu llugar, de les poblaciones controlaes, supéralu Cangas del Narcea, con 55 díes al añu.
Estes partícules asóciense a l’aparición y agravamientu de múltiples patoloxíes, especialmente respiratories. Aparte del grave problema de les partícules, tamién se superen en menor medía otros graves contaminantes.

Coordinadora Ecoloxista d’Asturies.

Fonte: Glayíu.org

Advertisements