Ún de los instrumentos de maera más vieyos que se conocen, ye un hachu de texu de 36,7 cm. de llargu que se atopó en 1911 en Clacton (Inglaterra), al que-y calculen unos 50.000 años d’antigüedá. Los meyores arcos, yeren los  de maera de texu, aunque tamién se usaba pa utensilios de cocina. Destaca tamién la so maera como materia prima pa facer gaites, siendo una maera que se podía atopar n’Asturies, pero son escases les gaites que hai anguañu d’esti material pola escasez del mesmu. Pola so dureza y mantenimientu a lo llargo del tiempu, dalgunos sarcófagos de faraones d’Exiptu tan fechos de texu.

Col cristianismu camudaron los vezos de la xente y les creencies y lleendes fueron adaptaes. N’Asturies hai censaes más de 200 ilesies y ermites con un texu al lláu. Los antiguos pueblos astures usaron les granes del texu como velenu pa suicidase durante les guerres cantabro-astures, antes que convertise en esclavos romanos. Yera vezu tamién, dalu a animales moribundos p’ayudalos a morrer de manera sele y tranquila, incluso a xente nel sieglu pasáu.

Los texos tienen tamién propiedades anticanceríxenes gracies al taxol que se atopa na so corteza. Esto fizo que casi llegaren a desapaecer, hasta que se llogró sintetizar el taxol nel llaboratoriu. Una vegada más, el texu ye protagonista de la vida y de la muerte. Yera vezu ente los cristianos facer les ilesies y cementerios al lláu de texos que ya habíen sío sagraos pa los Celtes. La lleenda cuenta que les raices de los texos, lleguen a les boques de los cadáveres, simbolizando la vida na boca de la muerte.

El Teixu de Bermiego o Teixu la Ilesia ye un texu de la especie Taxus baccata L. que se atopa na llocalidá quirosana de Bermiego. Esti texu milenariu ta averáu a la ilesia, a les afueres del pueblu. Foi declaráu Monumentu Natural el 27 d’abril de 1995 polo que ta protexíu y incluíu nel plan de recursos naturales d’Asturies. Tien una copa que mide 15 metros, un altor de 10 metros y un perímetru de tueru d’ente 6.5 y 7 metros. Ye consideráu por dellos autores como’l texu más vieyu d’Europa. Unu más d’esos tesoros que tenemos con raigones y rames, una ayalga más que paga la pena visitar, protexer y deprender a valorar.

Dende’l puntu de vista fotográficu, la lluz d’interior nun yera la meyor, dando munches dominantes nun deseaes que dieron bien de guerra a la hora del procesáu. Llevé tolos cristales que teo y decidime pol Canon EF 100 f/2.8 USM Macro, por aquello de la nitidez de los retratos y por poder disparar dende una distancia afayaiza pa que los páxaros nun se estrañaren. El tema del fondu yera otru problema. Munchos páxaron nun se podíen manipular y taben onde taben, nun dexando munchu marxe a la hora d’esbillar el fondu adecuáu. Como casi siempres, pienses en como saldríen les coses si se hubiera fecho una migaya más cuidao, dedicando una horina namás que a facer semeyes. Pero nun hai qu’escaecer, qu’esi día, fuimos a conocer lo páxaros del criaderu de Yacoastur. El que tien de páxina web www.yacoastur.com

Polo que pude ver, tuvimos suerte col tiempu por que taba daqué ñublao, polo que nun había munches diferencies de lluz, aunque al tar metíos nuna biesca, la escuridá yera importante y al tirar con grandes velocidaes, había que subir la ISO y abrir el diafragma. Dempués de delles prebes, dímonos cuenta que  col usu del Flash, les semeyes meyoraben asgaya.

Busqué un tramu onde poder moveme ensin molestar y poder retratar con, polo menos, tres encuadres estremaos. Quería pillar a los Bikers al baxar d’un cortáu y al pasar nuna zona rápida pa intentar facer un barríu. La última vez que había intentao esta téunica nun tuve bonos resultaos, paeciéndome complicao dar cola velocidá d’obturación adecuá para sacar al protagonista nítidu. Nesta ocación nun me salió mal la cosa, algamando delles imáxenes que merecía la pena procesar.

Monté el 17-50mm pa poder tener el mayor angular posible. Quería averame a los bikers pa que l’angular ficiera la so distorsión dando esi aspeútu a les imáxenes tan carauterísticu. Embaxo’l cortáu esperábalos apoyáu nuna estaca, casi metiéndome na trazada cola cámara. Al pasar el primeru dime cuenta qu’eso yera peligroso y nun algamaba l’acercamientu que tenía pensáo. Intenté disparar ensin mirar pol visor, metiéndo la cámara cola mano, pero los resultaos nun foron bonos, por que tenía cortes indeseaos nel encuadre.

Al final, salió una mañana entretenía disfrutando d’una estaya de la fotografía estremada a lo que suelo facer. Yera complicao ser orixinal, sacando munches semeyes práuticamente iguales onde sólo cambiaba’l protagonista.

Nesto hai de too. La mayoría xente que nun tien conocimientos de fotografía y ve que al facer esos cambios, les semeyes queden guapes metiendo muncha puxarra modernilla. Pero tamién hai xente con verdaderu talentu, incluso quedaes de lo que se noma instagramers.

A mi paezme que ye un xuguete que te dexa entretenete col móvil, pero ye hasta peligroso que-y coma terrenu a la fotografía dixital réflex. Al tener un estilu tan marcáu, llimita en forma la creatividá, a la par que paez, que gracies al so automatismu, cualesquier persona pue facer una semeya visualmente prestosa, siendo inda más complicao algamar resultaos orixinales. Aunque ye una aplicación exclusiva pa móviles, hay delles páxines que te dexen poder ver la to galería na rede. Una d’elles ye pictarine.com onde si te das d’alta con nomatu y contraseña, pues axuntar les cuentes de Flickr, Instagram, Picasa y dellos sitios más.

http://congresoexodos.com/index.html

Pa los que que conocemos la so obra, esta expo de semeyes ye altamente recomendable, los que tuvimos la suerte de conocelu, ye una cita indispensable, aprovechando que vien a tierres asturianes y se avera a Xixón. Equí teneis los detalles:

Autor: Juan Ángel Regaña

Títulu: “Instantes fugaces… el momento decisivo”

Llugar: Galería Mediadvanced. Cai Ezcurdia, 8, baxu derecha. Xixón (Asturies).

Fecha: Del 01 de Febreru de 2012 hasta’l 15 de Febreru de 2012. Inauguración Vienres 03 de Febreru de 2012 a les 19:30 hores.

Horariou: De Llunes a Vienres de 09:00 h. a 14:00 h. y de 15:30 h. a 19:30 h.

“La vida está llena de instantes fugaces; hay veces que los percibimos, sin embargo otras pasan totalmente inadvertidos. En ocasiones tengo la suerte de capturar esos maravillosos instantes… cuando ocurre, simplemente me dejo llevar y aprieto el disparador justo en el momento decisivo.”

Semeyes de paisaxes. Impresión sobre papel Hahnemüle Fine Art Photo Rag Ultra Smooth y sobre papel Fujicolor Crystal DP II. Marcos con perfil d’aluminiu negru 60cm x 73,5cm + vidriu mate antireflexu.

Como norma xeneral, la xente tien miéu a la muerte. Nun tienen na que ver les palabres altaneres, que munchos pronuncien cuando se fala d’esti tema, cola rialidá más brutal y cruel (pola so sencillez), na que te ves inmersu cuando t’atopes cara a cara, cola certeza más fondera de que tas dexando esnalar el caberu alientu la to vida.

La primer persona que vi morrer, yera un paisano vieyu, enfermu de delles patoloxíes que nun vienen al casu y ensin más futuru nin posibilidá de llucha que siguir amestando más sofrimientu a la so agonía, antroxando un estáu deplorable que los demás daben por llamar vida. Yo enxamás había visto un muertu, pero eso nun me llamaba l’atención. Lo que de verdá me tenía intrigáu yera el procesu en sí de morrer. Cómo finaba la vida, ensin entrar nel debate de plantegase’l pasu siguiente. Teo nidio que tamos bien influenciaos pola televisión, cine y demás hestories adornaes, por eso me chocó tanto la naturalidá del procesu. Un desendolcu normal, ensin sorpreses nin otra salida más natural que la esperada.

A los pocos díes tuve la oportunidá de ver el primer nacimientu d’una persona. Aunque foi normal y nun tuvo nengun sobresaltu nin complicación, paeciome un actu violentu, de sufrimientu estremu, tanto pa la madre como pa la so fía. La neña llegaba a la vida berrando, inculcando esi sofrimientu a la xente que más la quería, como si supiera d’antemano a que mundu taba aportando.

Pasaron ya dellos añós, pero a vegaes, cuando veo esa guaja xugando na cai, alcuerdome del paisano que morrió tranquilu na so cama, de forma natural y cuando miro a los güeyos a la neña, faime que tenga menos miéu a la muerte.

]]> http://elchamicu.wordpress.com/2012/01/09/los-gueyos-de-la-nena/feed/ 1 Chamicu fetu http://elchamicu.wordpress.com/2011/12/30/la-cueval-cuelebre-curtiumetraxe/ http://elchamicu.wordpress.com/2011/12/30/la-cueval-cuelebre-curtiumetraxe/#comments Fri, 30 Dec 2011 07:00:36 +0000 Chamicu http://elchamicu.wordpress.com/?p=579 ]]>
]]> http://elchamicu.wordpress.com/2011/12/30/la-cueval-cuelebre-curtiumetraxe/feed/ 0 Chamicu http://elchamicu.wordpress.com/2011/11/03/nuevu-blogue-fotos-de-langreo/ http://elchamicu.wordpress.com/2011/11/03/nuevu-blogue-fotos-de-langreo/#comments Thu, 03 Nov 2011 06:15:55 +0000 Chamicu http://elchamicu.wordpress.com/?p=574 Read More →]]>

Nun ye la primer vez que dalgun conocíu o familiar que vive fuera d’Asturies, dizme que se topó con una semeya mía, restolando pela rede a la gueta d’imáxenes de Llangréu. Va tiempu, qu’esto me fizo pensar que taría prestoso, xuntar nun blogue toes estes semeyes, pa facilitar la so visualización. Prestaría tamién que les semeyes fueran de dellos autores, nacíos nel conceyu. Una forma d’amosar la visión reflexada en semeyes, de la rialidá del conceyu al traviés de los güeyos de la so propia xente.

Va pocos díes, esti proyeutu tomó forma, entamando coles semeyes de tres autores llangreanos. Nun futuru cercanu, de xuru que se amestarán dellos más, enriqueciendo esti archivu fotográficu del conceyu. Cada semeya tien la marca del estilu del so autor, pero toes tienen carauterístiques comunes, por que fuxen de lo típico y lo comercial, demostrando les mil cares d’un sitiu tan vieyu como la tierra que lu asitia.

Convídote a echar un güeyu…

http://fotosdelangreo.blogspot.com/

Nun me paez que faiga falta tener munchos conocimientos o calidá pa intentar algamar resultaos, si non profesionales, polo menos, lo más asemeyao posible dientro la dignidá. La condición cimera de l’amistá, tien que ver cola so demostración. Cuando me llamó Raúl, un collaciu gaiteru y artesanu de payueles, pa dicime que quería facer unes tarxetes, lo primero que pensé ye que valía más dir a un fotógrafu o diseñador del conceyu y que ficiera la impresión y diseñu, pensando en que nun podía subir muncho en cuestión de perres. Pidió dellos presupuestos y polo visto había diferencia asgaya si lo comparabes con encargales pola rede. Hay páxines que te manden les tarxetes a casa, pero tienes que da-yos el diseñu fechu. Él tenía una idea perclara de lo que quería, lo que facilitó en forma la cosa. La parte d’arriba d’un punteru con payuela na parte d’alantre y la d’abaxu na parte d’atrás.

Esi día facía sol y yeren les cuatro la tarde, polo que la lluz yera bien dura. Buscamos un sitiu onde poner el punteru, con una lluz uniforme y un fondu llisu y tiramos seis semeyes en raw. Ficimos con photoshop un documentu nuevu, col tamañu que tieníen que tener les tarxetes y pusimos un fondu negru. Recortamos los punteros, lo meyor que pudimos, y pusímoslos nel sitiu adecuáu en les dos cares de la tarxeta. Sólo quedaba poner el textu, mandar los archivos en .jpg y esperar a que llegara a casa el resultáu.

El resultáu ye qu’esti artesanu de payueles, ya tien tarxetes.