tornando a ubuntu
Dempués de tirar el caberu portatil por problemes na pantalla, tras enterame que arreglalu diba salime tan caro como comprar otru, entamé la gueta pa mercar un ordeador. Nun ye un mal momentu, por que la teunoloxía, aunque sigue corriendo, ya nun fai que lo que merques tea totalmente pasao d’equí a seis meses.
Los que venden nun son tontos y tienen xente mui preparao que cobren munches perres, namás pa que tú entres pol aru y consumas los sos productos. En relación a esto, lo primero que te entra pol güeyu son los ordenadores de la marca Apple. Un diseñu que nun tien conparanza con nengun otru productu del mercáu y el poder de la marca que crea la necesidá de pertenencia a un grupu, fai que l’atracción que tienen estes máquines tea una influencia increible. Apple tien munches coses a favor, pero too ello ta subordinao al altu preciu de los sos productos, que sobrepasa ampliamente el preciu de un ordenador con similares prestaciones d’otra marca. El imac, ye’l sobremesa que apple ufierta. Un ordenador ensin torre, con una pantalla, un tecláu y un ratón, too ello inalánbrico. Pa que vos faigais una idea, el ratón solu, val 70 €.
El problema que yo tuve nel mio portatil, que tamien foi bien caru nel añu 2005 cuando lu merqué, foi que al ser tou una pieza,nun se podía camudar la pantalla de forma fácil y barata. Y esi mesmu problema, diba a tenelu nel imac si entamaben a salir rayes y coses rares nel monitor, por que la torre del ordenador diba integrá nesa pantalla. Escarmentáu nesi sen, quise más decantame por una máquina que pudiera dividir en pieces, cambiando cada una idiviualmente si entamaben a fallar. Un pc clónicu mercáu na tienda’l pueblu paecía la meyor opción. Al mercar nuna tienda pequeña, asegures (o asina debía ser) un bon serviciu post venta, individualizáu y una bona predisposición a la solución de problemes derivaos de la compra o’l usu del productu.
Al buscar poles tiendes cercanes, ví que los precios yeren paecíos asgaya, hasta que llegué a una onde anunciaben un ordenador con monitor y sistema operativu Ubuntu por 400€. Al paecer, al nun tener windows, aforres una llicencia de bastantes perres que abarata l’ordenador en forma. Tenía ganes de probar Ubuntu, de tener l’ordenador enteru n’asturianu y deprender como yera esti sistema. Agora puedo dicir que ye rápidu, seguru y fácil d’usar. Escaeces los antivirus, los codecs, drivers, los software de los aparatos qu’enchufes y demás impedimentos ilóxicos que faen que’l usuariu allorie delantre la pantalla. Como exemplu, nun fai falta el software de la cámara pa poder descargar y ver les semeyes, incluso les que tan en raw.
La única pega que atopé foi a la hora de procesar les semeyes. Toi demasiao avezáu al photoshop y aunque Ubuntu trai un programa similar nomáu Gimp, nun llego a afayame con él. Tendré que buscar una solución pa ello.
![estorninos [trípticu]](http://farm8.staticflickr.com/7014/6721570051_14f2fd0e54_t.jpg "estorninos [trípticu]")
Yo tamién uso’l photoshop dacuando… nun val tampoco la versión portable con Ubuntu?? Yo tamién prefiero (quiciás porque toi más avezáu a él) el photoshop que’l gimp.
Dixéronme que nun val. Pero hai una manera instalando windows dientro d’ubuntu… teo que lo mirar, por que necesito’l photoshop… nun teo gracia pa deprender otru programa….
Un saludu Ricardo!
Dai otra oportunidá al Gimp. Merez la pena facelo. Yo ye el que uso.
Toi metiéndome bastante con él y ya aprendí a facer delles coses a base de restolar pela rede. Pero sigo echando en falta plugins que tenía con photoshop y sobre too, la dinámica de trabayar con capes y máscares de capes, que nel ph, paecíame más cenciello (o taba más avezáu a ello). Sicasí, pa facer axustes sencillinos, d’una semeya normal, el gimp ye de sobra, pero cuando hay que da-y muncha caña, y facer munches coses, ye cuando se me queda curtiu,
A ver cuando nos vemos, que me dixeron que ya tornabes!