na casa los alberti
Esta ye la semeya d’una semeya. Cuando te presta facer semeyes, acoples esa afición a les coses que te rodeen o a los vezos que ya teníes. Lo bono ye garrar aficiones que se puedan complementar y que nun faigan como l’aceite y l’agua. A vegaes, salen coses prestoses d’eses xuntances que, inclusu puen facer esos vezos más interesantes entá o da-yos un puxu importante.
Préstame facer semeyes pero eso nun va más allá de la vanidá que te pue dar al enseñales pola rede a xente que nun conoces. Enxamás se fizo na colos mios retratos más que mandar un par d’elles a dos concursos, onde pasaron con más pena que gloria y sufrir un par de robos cibernéticos por xente que tien tanta prisa que nun pue perder 30 segundos en mandar un corréu pidiendo permisu. Esto casi ye lo mesmo que dicen los porretas cuando los para la policía, “ye pa consumu propiu”. Dende fai unos díes hai una exposición permanente d’indumentaria y etnografía, na rehabilitada casa los Alberti de Ciañu que ta fecha y entamada pola Agrupación d’Etnografía y Folclor “Reija” de Llangréu. A vegaes faigo retratos pa la xente de Reija y préstame que hayan esbillao una semeya mía pa la exposición. Amás, paezme que se fizo un bon trabayu cola maquetación y los cartelos. Esperemos que la xente lo visite y que la mio semeyina de la talla. Nun ye la más guapa que fice nin la más correuta, pero ye la primera que ta a la vista de xente normal nun entornu seriu.
Esta foto ye una buena disculpa pa pasar a ver la exposición
a mí, la verdá ye me gustó, aunque ta pensada pa dir cambiándola poco a poco y facer una exposición permanente. Lo que me paez ye que se fizo poca publicidá. Espero que te preste!
Siempre me pareció que iste retrato yera prou pincho, en berdá.
Creigo que l’en tenebas por bel post, fa días, si?
“As semeyas” diz que son o tiempo engarcholau (que l’ombre, como que o tiempo ye l’unico que en tiene) s’empeña en alzar-ne, ta recordar-se d’os tiempos d’antis y ta siñalar o presén cutiano.
O bueno d’os retratos en a rete, por os blogues, por as pachinas web… ye qué, t’en portan dende casa de cadagún, ta muitismos lugars y tiempos qué, nunca no pas, bas a poder besitar.
Espero que baiga bien a esposizión d’a Casa d’os Alberti de Ciañu.
Salú y a plantar fuerte, Chamicu.
siempres me llama l’atención cuando un fotógrafo explica que ye lo que pretende coles sos semeyes. Igual que’l que retrata, el que les ve tamién pue interpretar lo que la imaxe-y propón o’l conceutu que tien na so tiesta sobre la propia semeya.
Sagardiana, munches gracies poles pallabres de sofitu.
facía tiempu que nun pasaba per aquí, les veces que tuvi nun escribí pero hoy al ver esta foto alcordeme de lo que me gustó cuando la ví en Ciañu… tamien anduve restolando per les otres fotos y prestome el paseo, como les otres vegaes…
Munches gracies Roberto. Paez ser que parte d’esta exposición va tar nel stand del conceyu llangréu de la feria muestres. A ver si pue llegar a más xente. Un saludu y gracies.