Chorthippus Brunneus
Un saltapraos, namás vive ente 9 y 11 selmanes, mide de 1,5 a 2 centímetros, tien ales y pue esnalar. Tien los muerganos del oíu asitiaos nos llaterales del segmentu anterior del abdomen, adáptase perbien al mediu onde ta polo que pue tomar el collor del entornu, normalmente de tonos marrones ocres y grises, aunque tamien se puen ver con collores más llamativos.
Esti en concretu ye llangreanu y vive (o vivía, quien sabe…) nel míticu práu de Castandiellu. Atopelu, caleyando pol práu a la gueta de dalgun macro, pero el posaeru onde taba nun yera el más afayaizu, asina como la so posición. Intenté garralu y cada vegada que me acercaba, saltaba. Siguilu, hasta que paeció que tenía menos enerxía y acusaba’l cansanciu. Dexome garralu, por agotamientu y puselu nel posaderu que a mí me interesaba. Tornó a saltar y repetí la maniobra por tres veces, hasta que quedó quietu y me dexó face-y los retratos que me petara. Asina, colé pal mio llar contentu coles semeyes y el saltapraos quedó nel so práu de Castandiellu.
Guapa foto… sobre too esta de cuando ya taba mayáu el prubin
hai que aclariar, que nengún animal foi maltratáu durante la sesión fotográfica!!
Un saludu!
Nunca supe de esti sistema de retratu por agotamientu, siempre sera meyor que acabe frayau el modelo que’l fotógrafo.