Munchu blog/blogue y poca sidra
Lo qu’entamó como’l “I Sidra&Blogues”, terminó como un “Mahou&Blogues/Blogs”. Prestome muncho conocer a esa xente. Ye raro esto de garrar confianza con daquién que nun conoces personalmente, por que imaxíneslu d’una forma y lluéu al velu, pue chocate bastante’l contraste. En xeneral, yera to xente mozo, comprometía cola so cultura y a primer vista con ganes de trabayar. Xente interesante y estremao ente ellos, colos que creo qu’había que facer un sidra&blogues pa cada ún. Munches coses quedaron ensin falar, otres tocáronse polo alto, notres afondose ensin llegar a nenguna conclusión, pero disfrutando’l saber qué opina otra xente de determinaes coses que tenemos en común. Nel primer chigre, foi la presentación, romper el xelu y conocese un poco. El tar de pie nun favorez la comunicación d’un grupu grande y paezme que foi una bona decisión el camudar de chigre pa buscar un sitiu onde poder sentanos y tar más xuntos, aunque sacrificáramos la sidre. Foi una pena la xente que coló nesi puntu y los que ninsiquiera llegaron a él.
El verdaderu alcuentru foi nel segundu chigre, onde ente toos falamos de coses que a mí me paecen bastante interesantes y que de xuru se ampliarán nesi prósimu oxetivu d’abril. Hasta que llegue eso, ya sabeis, a falar menos de llingua y a deprender de los recursos qu’hai na rede (sé que dalgunu ya entamó). De verdá que me prestó en forma conocevos. Un saludu y sobre too, gracies a La Esfoyaza por llevame sanu y salvu al mio llar.
Acaba nacer La Xunta de Blogues en Llingua Asturiana.
Falando de coses que nos interesen y a la espera de lo de Asturies.com, mirar lo que acabo d’atopar.
De nada Tin, foi un placer llevate, ye lo menos que podía facer. Como a ti, tamién a nosotros mos prestó conocevos en persona, anque nun afondáremos en temes y quedaren munches coses nel aire. Pienso que lo importante yera conocese físicamente y esi yá ye un bon puntu pal entamu.
Y gracies a Trayasgaya, que fueron los organizadores d’esto qu’entamó ayeri y quién sabe ónde va acabar.
Saludos a toos y toes. Siguimos en contautu na rede.
Ah, ya interesante esa páxina qu’atopasti, anque creo que falten unos cuantos blogs ehí
Jo, qué pena que nun vos atopáremos. Xaime y yo lleguemos a les ocho y media (había que llavase y eses coses) a Los Lagos y nun hubo manera d’axuntanos con vosotros. Taré mui atenta a la próxima convocatoria.
Un saludu y norabona por entamar esti trabayu qu’esperemos que seya granible y prestosu.
Ricardo, camiento qu’esa páxina ye l’entamu d’un proyeutu similar al que falamos ayeri, entamáu por próspero o dalgún cercanu a él. Fízome gracia atopalo precisamente güei, dempués de venos y falar. Como nun pase como colo de Ximiélgame y Esbilla…
Laura, polo menos conocímonos al finar la mani, pero la verdá ye que me hubiera prestao que tamién tubiérais. Ya falaré yo con Xaime. Cuando marchamos de los lagos pa dir a otru chigre onde nos pudiéramos sentar, dexé el mi númberu de teléfonu a la moza de al debalu que quedó en los lagos colos sos collacios. Pensé qu’igual habíeis llegao dempués de colar ella, pero el trasgu d’areces dixo que teníeis el so teléfonu, asina que quedé tranquilu en que nos atoparíes.
Prestábame una cronica de lo que falasteis depués de marchar de Los Lagos. Sentí muncho tener que marchar, pero ye que nun pude acomodalo d’otra manera. De toles maneres, prestóme conocevos… presta ver a la xente que namás conoces d’un nick, ye una sensación estraña. Al principiu dábame cosa… ¿ah tu yes Jesusito? si, ¿y tu?, la metá de Trayasgaya… y el Chamicu…. pero prestó.
Prestosu de verdá y nada más qu’añedir a lo que yá dixistis enantes namás qu’esperemos que dure un tiempín esta Xunta de blogs7blogues en llingua asturiana.
Prestome munchu conocevos a toos…Sois tal y como vos imaxinaba…jejeje. Agora a seguir trabayando!
Pido disculpas a tolos que fuisteis ya los qu’entamasteis el conceyu, pero por problemas “loxísticos” (la casa a la que fui duchame despuós de la pingadura de la marcha ya la mani namás tenía un bañu pa 5 personas) nun salí a tiempu pal alcuentru. De tolas maneras, despuós faléi con “trasgu” ya “munduxaime”, ya punxéronme al día, más o menos.
Cuntái conmigo pa lo que sía. Un saludo!!!
[...] paezme qu’hebo alcuerdu. November 27, 2007 | In ast [...]