puntu d’alcuentru
La blogosfera en llingua asturiana, ye un guaje ensin terminar nel que se formen más rápido les idees na tiesta que los güesos y les vísceres. Hai delles coses clares pero nun se materialicen. Hai xente, hai conocimientu, hai metes, pero la carrera discurre poles mesmes caleyes que cuerre la rialidá social en cualquier estaya de la sociedá d’esti país. Dalgún día llegara, d’eso toi xuru, aunque nun se si nós seguiremos nesta llucha o ya habremos migrao a otres, como ya ficimos nel pasáu.
El primer puntu d’unión de la nuesa blogosfera del que tuvimos noticia foi www.directoriu.blogspot.com nel que se xuntaben les direiciones de más de cien blogs y fotologs en llingua asturiana, lliones y mirandés. Agora damos un pasu más con www.llinguablog.blogspot.com y amás de les direiciones améstase’l títulu de la última actualización y la fecha na que se fizo, mediante una sindicación de RSS. El mayor problema que vemos, a parte de los diversos fallos que pueda tener ye que los blogs con actualización más reciente nun suben a la primer posición de la llista, cosa que sería muncho más cómoda, pero que nun sabemos cómo se fai.
Poco a poco salen coses y la blogosfera n’asturianu medra. Esperamos impacientes el prósimu pasu. ¿Vas dalu tú?
Da-y tiempu, igual estu de los blogs tira. You tou dende fai bien pouco, pero parezme una bona idea, ia un progresu, lo de la sindicación de las RSS. Anque piensu que hai muncha xenti comu you, que nun conoz la llingua bien y que da-y noxo cagala,(bono polo menos eso foi lu que me pasóu a min) en fin…el tiempu dirá. Por ciertu guapísimas las fotos, impresionantes.(el to flickr ta agregau al mio blog)
El blog onde apaecen toles últimes entraes de los blogs n’asturianu paezme un gran pasu. Ye cierto qu’hai que meyorar coses como lo que comentes de que la última entrada apaeza arriba o mesmamente la estética del sitiu (con tol respetu pal diseñador/a). Pero como bien camientes, son pasinos. Nun sé si estes coses espoxigarán o quedarán pa práu, pero de lo que toi seguru ye de que si nun se faen, quedaremos cola dulda tola vida.
Ricardo, ye lo que tú dices, entamose como una preba pa poder ver cómo yera, amestáronse más blogs y la verdá que la única razón pa sacalo a la lluz ye que la xente vea qu’hai voluntá pa facer daqué y que se pué aunque nun sepas munchu del tema. Camiento qu’hai xente metía na blogosfera que sabe abondo d’esti tema y toi xuru que dalgun día van ponese a facer daqué. Lo de llinguablog ye casi una anecdota fecha con una simple ferramienta de blogger por una xente que lleva un mes sabiendo lo que son les Rss, pero de mano ya sirvió pa que dalgun blog se conociera ente sí y pa qu’otros se den cuenta qu’hai conciencia de grupu ente los blogs en llingua asturiana.
Cada vegada que camudes daqué na estética de to blog, meyóreslu un puquiñín. Voi metete nos mios enllaces, un saludu.
Leticia, de xuru que tarde o tempranu espoxigará daqué. Lo que pasa ye, que si eches los güeyos pa otres blogosferes, daste cuenta que la nuesa ye de xuguete. Yo nun se na de llingua asturiana. Namai lo que toi avezáu a sentir en casa, lo que siento na música y poco más. Camiento que nun ye tan inportante l’escribir un asturianau perfeutu como’l compromisu de nun dexar el to blog y siguir dando-y vida al traviés de la to llingua. Asina qu’espero que sigas munchos años, aunque haya vegaes que t’apetezca mandalu a …
Gracies pol comentariu, por ver les mis semeyes y llincales. Un saludu.
Bono pos garromos el testigu pa dar otru pasín ya que tamos acabantes de presentar http://ximielgame.net (la versión n’asturianu de Menéame) esperamos que sirva pa ayudar a la blogosfera.
A min pasame lo mesmo: enxamás fiu a clas d´asturianu porque nel mio colexu nun s´ufiertaba, aprendilu de xeitu autodidacta, lleendo muncho, escuchando a Dixebra hasta morrer (los meyores mayestros d´asturianu, ¿cuantos entamariamos con esta llingua cola voz de Xune), pero préstame escribir y sentir que-y toi dando vida a esta llingua milenaria, sé que-y meto milenta pataes al diccionariu de l´ALLA pero bono…
Colo que toi muncho peor ye cola informatica, los mios conocimientos son nulos, yá pa faceme col furrulamiento del blog costóme.
Un saludu y a siguir.
Pues ye verdá lo que camientes. Nesti enllaz falo de los mis “profesores” de llingua asturina: http://elchamicu.wordpress.com/2006/10/16/mas-gorda-nun-val-prau-2/
La verdá que la mayoría de los blogueros n’asturianu, nun tenemos munchos conocimientos d’informática (quitando dalgún casu nel que teo puesta la mio esperanza pa qu’esti movimientu medre). Vamos deprendiendo puquiñín a poco al dir faciendo coses mal y intentar iguales. Un saludu trasgu.