II concursu semeyes asturias acoge

Asturias Acoge, asociación d’apoyu a los coleutivos d’inmigrantes, convoca la segunda edición del Concursu Asturias Acoge de Fotografía. El plazu de presentación fina’l 30 de xunu y el premiu ye una cámara dixital. El tema tará relacionáu cola riqueza de la interculturalidá, la normalidá de la convivencia nel día a día o les inxusticies que sufren munchos inmigrantes. 

Dende l’Asociación d’Apoyu a la Inmigración Asturias Acoge animen a que toos los interesaos remitan la so particular visión de los y les inmigrantes al Concursu de Semeyes que organicen por segundu añu consecutivu. Puen participar toles persones que lo deseen unviando enantes del 30 de xunu tres semeyes en papel o dixitales, nesti casu admítense retocaes, a la sede d’Asturias Acoge en Uviéu o al corréu astacoge@yahoo.es. Los autores de les tres semeyes premiaes recibirán una cámara dixital.

Asturias Acoge dedícase a dar sofitu formativu, xurídicu y sociosanitariu a los coleutivos d’inmigrantes qu’aporten a Asturies. Amás de talleres y clases, l’asociación lleva a cabu estremaes actividaes pa sensibilizar a la sociedá.

Más información:

Asturias Acoge, C/ Oscura, 3 - 1º Derecha, 33009 – Uviéu 985 203 992. (de 17 a 20 hores).

~ by Chamicu on May 30, 2007.