e.e.x.x. vixila

“Un submarinu estadounidense y un barcu comercial xaponés colisionaron nel Mar Arábigu, ensin que se produxeran daños, según la axencia nipona Kyodo citando fuentes gubernamentales xaponeses. El Pentágonu tamién confirmó la noticia y fuentes oficiales de la marina d’Estaos Xuníos señalaron a la cadena CNN que nun hai feríos aunque sí daños materiales. D’alcuerdu cola axencia llocal xaponesa, el submarinu norteamericanu Newport News, al paecer con base en Bahrein, foi el que chocó escontra’l cargueru, llamáu Mogamigawa y perteneciente a la compañía Kawasaki Kisen Kaisha. La proa del Newport News, impulsáu por enerxía nuclear, dio-y a la popa del mercante-cisterna Mogamigawa, cuando los buques llegaben a un estremu del Estrechu d’Hormuz.

Los daños ocasionaos nel submarinu y nel buque cisterna nun fueron de muncha importancia, y tampoco hubo fuges de petróleu nin de combustible nuclear, según informaron fuentes de l’Armada estadounidense y del Gobiernu de Xapón “(Recoyío en El País.com).

Haber quién ye’l guapu que mete la pezuña d’esta manera y reconoz que encima hubo un vertíu de galipote y de combustible nuclear, por andar xugando onde naide te llamó. Tén cuidáu cuando te sientes na taza’l water, que los periscopios, suben a muncha velocidá.

~ by Chamicu on January 9, 2007.